【點新聞報道】移民英國的港人學生，要面對校園欺凌已經夠慘，點知加害者竟然是同路人，真係慘上加慘！有移英港人在網上發文，問要怎樣面對子女校園欺凌問題，結果釣出一班網民訴苦，話自己去到英國反而被香港同學欺凌。所以話呢，所謂「香港人幫香港人」，真係得啖笑！
有港人移民英國，做了英國寄養家長，以全職湊仔湊女為樂。他日前在社交平台threads發文，提到英校園欺凌嚴重，擔心仔女會成受害者，遂問同路人點處理，「聽講英國學校嘅欺凌情況好嚴重、各位香港人家長，你嘅仔女有冇被同學欺凌過、點樣處理？」。
帖文引出一班苦主，均同指曾被香港同學欺凌，「嗰陣初嚟報到，以為香港人幫香港人，所以好放心跟佢哋。點知，兩年前year 8被班香港師姐孤立，同言語欺凌。最後仲被人add 左入個ig group 度，之後被passive aggressive地趕走了～從此就唔再相信呢個『神話』」。
苦主們指，即使告知老師亦無用，學校都會嫌麻煩，「係香港人bully香港人，當時小朋友被人笑被人玩被杯葛，由 Year 5直到Year 6升中，家長後期先至知 」、「我係個小朋友，我有被bully by hk ppl，我選擇同老師講，但係根本冇用，佢哋只會推畀其他老師」、「小學時試過比另外嘅香港人bully，同學校講冇用，同對方家長講佢仲覺得自己個仔冇問題」、「係英國初入學時，被早少少入讀嘅香港男同學欺凌，同咗學校老師講，佢地好嚴肅處理，仲分開佢地坐同處罰」。
有網民更指老師帶頭歧視黃種人，「因為本地白人唔鬧得，黑同啡係高人一等，得返黃種最好蝦，所以受嘅氣、失去嘅老師威嚴咪發曬落去佢哋度囉，遇過唔少，但咁又點，轉念咁諗，第時打工嗰個老細咪仲Ｘ，即時gur曬」。
（本文為作者觀點，不代表本媒體立場）
收藏
取消收藏
分享
