【點新聞報道】在公共交通工具上，玩火極度危險且屬違法行為。網上流傳一段短片，有乘客在巴士車廂內突然聞到陣陣燶味，原來是一名大叔正在用打火機燒衣物邊緣。
該乘客在社交平台threads發文表示，「無啦啦聞到燶味，前面嗰阿叔你想點，我有睇『我們不是什麼』㗎！」。從其上載的影片可見，事發於一輛巴士車廂內，一名大叔坐在座位上，手持打火機，用火貼近手上一件深綠色衣物，位置位於衣物邊緣附近。樓主其後補充，「條友終於落咗車，孭住個紅白藍袋，真係好驚係易燃物」。
事件曝光後引起大量討論，有網民估計涉事大叔「似燒線頭，但係都唔好巴士整啦」、「啲阿公阿婆好興㗎，見到有啲咩有蟻果啲就燒下佢」、「以前長輩會用火彈一彈啲縫紉嘅線口位，等啲線唔好散開之類」。
不少網民批評大叔罔顧安全，「而家啲人真係愈嚟愈離譜」、「巴士入面玩火真係好危險」、「燒衫都要等落車先做啦」、「萬一燒着件衫或者座椅點算？」、「危險喎，同司機講聲要報警」。
（本文為作者觀點，不代表本媒體立場）
收藏
取消收藏
分享
