【點新聞報道】楊詩敏（蝦頭）與譚偉權（Gary哥哥）聯手創作的全新舞台劇音樂騷《唔妥你還是愛你》，7月10日起在香港藝術中心壽臣劇院展開一連13場演出。
開演前夕，一眾台前幕後齊集進行拜神儀式，祈求演出順利。蝦頭與Gary哥哥受訪時坦言既興奮又緊張。蝦頭感觸道：「我哋上一次同台演出係2000年，相隔26年再合作，好珍惜今次機會，覺得好有福氣，希望將喜悅分享俾大家。」
Gary哥哥透露：「今次演出好有挑戰性，因為要喺短時間內極速換衫、切換角色。」蝦頭亦笑說：「我要不斷變聲、轉聲，經過今次先發現，原來自己都有溫柔嘅一面，連自己都嚇親。」Gary則大讚蝦頭有令人倍感窩心的一面。
對於身形越見纖瘦、越來越索，蝦頭澄清：「我想身體好啲，所以多做運動，其實冇刻意減肥，依然食好多嘢，只係轉咗食素，培養好生活習慣。」被問到體重，她大方回應：「由去年11月開始到依家，冇刻意減，但瘦咗廿幾磅，清走好多毒素，整個人輕盈咗，啲衫都鬆曬。上圍係縮咗少少，但比例勻稱就得，健康最緊要。」
至於劇中有否親密演出，蝦頭賣關子：「唔係你哋諗嗰種親密，係另一種親密。」Gary哥哥被問到要否向太太「報案」，他笑言：「做咩要報案？太太今日會嚟睇，信任好重要。」
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
