【點新聞報道】鄭秀文（Sammi）一連三場《You & Mi 鄭秀文演唱會2026亞洲巡迴終點站——香港啟德主場館》「答謝會」，昨晚（10日）於啟德主場館揭幕。場外應援物與打卡位鋪天蓋地，周邊紀念品店全日人龍不絕，粉絲爭相搶購精品、抽小卡，更與1:1Sammi人像合影，氣氛熾熱。寰亞集團老闆林建岳親臨後台打氣，好友甘比、鍾楚紅及師弟Lester則坐在觀眾席全程支持。而其中一位劉德華更由觀眾變身成首晚嘉賓，與Sammi齊齊首次享受場內四萬多觀眾的掌聲及歡呼聲。
Sammi以霸氣姿態率領40位舞者揭開序幕，接連跳唱《叮噹》與《Chotto等等》，全場近四萬人隨即沸騰。她興奮高呼要感受觀眾的尖叫聲，粉絲們亦聽話齊聲吶喊「Sammi」。她笑言：「今晚雖然由演唱會變成『答謝會』，或者你會有一絲失望，但我保證絕對唔會hea做！睇完包你開心滿足。」她更深深鞠躬，感激fans專程訂機票、訂酒店到場，並承諾用有限資源做到最好，感性說道：「舞台再大，都大唔過你哋嘅愛同包容，多謝！」
唱畢《默契》後，Sammi介紹嘉賓劉德華出場。她先故作神秘：「有位朋友本來話第一晚嚟睇騷，我忽發奇想不如嚟做嘉賓，佢二話不說就應承。後來延期，我再問華仔仲會唔會嚟？（掩嘴笑）哎呀，爆咗添！華仔話『一定嚟支持』！」華仔隨即升上台，全場尖叫破表，Sammi即說：「我嘅肥佬，今晚嚟咗！」華仔笑言：「企去中間感受吓，我第一次。」Sammi幽默回應：「一齊feel吓，我都係第一次，大家都係處女下海。」
兩人手拖手走下台，登上「人力小黃車」，重現《瘦身男女》經典「朋友號」，一幕幕回憶瞬間湧現。Sammi說：「今晚全部回歸最原始，俾大家感受最真摯嘅設置，麻煩Dancers人力拉車。」二人合唱《倒轉地球》與《衝動點唱》，零距離穿梭觀眾席，全場陷入狂歡。
其後Sammi換上一襲紅色貼身長裙，首度現場演繹未派台新歌《隕石與地球》，率先與粉絲分享全新作品。身形弗爆的她笑說：「條裙好似小辣椒，一試就愛上！」更即場大騷手瓜肌肉，引來全場「嘩」聲不絕。接着她唱出《缺席》與《Let go》，再與全場大合唱《我們都是這樣長大的》。
身穿白色小背心的Sammi緊接化身DJ，與40位舞者展開長達十分鐘的熱舞Medley，一口氣跳唱《煞科》、《獨家試唱》、《螢光粉紅》及《星秀傳說》，再與KALAI合唱《信者得愛》，觀眾齊齊舉手高呼「High High High」，氣勢推向頂峰。
Encore時段，Sammi換上綴滿紅色小花的白色巨型傘裙，獻唱《終身美麗》。唱至最後一句，她再次由衷感謝觀眾的包容與支持，更貼心提醒：「Keep好張飛，留返睇一個真正嘅演唱會。千祈唔好到時話唔見咗，我真係幫唔到你。」她感恩上帝一直賜予力量：「令我知道唔使驚，盡力做好自己，觀眾係會接收到嘅。」最後她即興清唱一段，並預告「答謝會」只是前奏，真正演唱會將更盛大、製作更精彩。
（點新聞特約記者陳惠芳報道）
收藏
取消收藏
分享
