【點新聞報道】「唱作王子」馮允謙（Jay）7月7日推出首張全英文歌專輯《ANOTHER SHADE OF BLUE》，同日在黃埔TIDES舉行Music Live，與近千Fans分享新碟所有作品，以及他私心英文歌單。
Jay以結他自彈自唱，慢歌時emo到不行，唱開心快歌時就勁風騷，又扮唱片封面側面問Fans：「靚唔靚仔？」突然落台握手派心派飛吻，互動一流。完場Fans意猶未盡，大合唱《How Many Times》。Jay感動並宣布好消息：新碟出「彩膠」！
音樂會全企位，觀眾一邊聽歌一邊跟Jay音樂左右擺舞，非常chill。而二樓VIP觀眾席星光熠熠，有來自法國的唱作女歌手Joyce Jonathan、老友梁釗峰、師妹雲浩影（Cloud）、盧慧敏（Amy Lo）、師弟藍奕持（Lester）等。期間Jay沾沾自喜地說：「今次有啲威，呢張碟嘅曲和詞都係你哋最喜愛嘅我寫。」他坦言在香港做英文歌並不容易，感恩公司和Fans支持，令他夢想成真推出英文碟並舉行英文歌音樂會。他又爆料指一同創作碟內部分歌曲的孖生細佬Tim，掛住拍拖甩底。
騷後Jay接受訪問時，坦言今次比廣東歌音樂會更大壓力，說：「人生第一個英文歌音樂會，可能係英文，要求自己要唱得更好。雖然今日把聲有少少沙，但係喺個台上玩得好開心，希望所有觀眾都好enjoy。事實能夠出英文碟，真係好幸運。」
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
