【點新聞報道】橫向拎長長遮真係好乞人憎！近日有網民目擊一名女子在港鐵站內橫向持遮前行，期間不斷大幅度前後擺動，大鬧「睇少眼都俾佢拮死」。帖文獲大批網民認同，鬧爆行為自私、冇家教。
該網民在社交平台Threads發文寫道：「老老實實，我真係好憎人咁樣揸遮，睇少眼都俾佢拮死」。從其上載影片可見，港鐵站內有一女子左手橫向握着藍色長遮，並大幅度前後擺動左手，幸當時無人緊隨其後前行，未有發生長遮誤刺他人的意外。
影片引來大批網民留言，大鬧「好無公德心」、「真係好黑人憎，其實呢d人冇家教，唔諗下會整到人」、「小小動作、已經顯露到佢自己嘅人品、呢個人好自私，永遠唔會企係人哋立場」、「做女人行到掗掗拃拃，好核突」。
多名網民更分享曾遇過同類橫向拎遮的自私精，「上次搭地鐵就係有條女咁樣攞遮，然之後佢把遮個篤篤係金屬，刮到我隻腳一大條血痕」、「今日都遇到個，返工時間樓梯好多人，我忍唔住，直接喺樓梯大聲叫位靚女，唔好咁攞遮，拮到人」。
（本文為作者觀點，不代表本媒體立場）
收藏
取消收藏
分享
