【點新聞報道】藝人鄭則仕（Kent哥）日前現身港鐵南昌站，為廣告進行深宵拍攝，延續今年馬拉松賽後網民熱捧的「則仕Do It」精神，推廣扶手電梯安全訊息。他以運動造型上陣，跑動時中氣十足，更不時翻看重播，力求最佳表現。
談及跑步習慣，Kent哥分享：「跑咗一年幾，體重冇減但都冇增，因為脂肪轉化成肌肉，跑步係為健康，唔好淨係為減肥。」對於「則仕Do It」成為網絡熱話，他感激網民支持：「呢份鼓勵係我最大動力，跑完仲有額外回報，真係好多謝大家。」他更笑言，參賽前途人總質疑「肥佬跑得唔得」，如今卻紛紛為他打氣，可惜自己「練氣中，唔應人怕冇禮貌，應人又唔夠氣」，場面有趣。
Kent哥特別提醒扶手梯安全：「長者固然要扶穩，年輕人都一樣，一旦失足後果可大可小。無論咩年紀，搭扶手梯要企定定、扶實，拎重物就搭升降機。」廣告除跑步造型外，還驚喜加入網民喜愛的「微臣」彩蛋。他笑說：「當年拍《皆大歡喜》講『微臣先行告退』，對住苑瓊丹講冇被拉去斬，點知今日變成潮語，真係估唔到，多謝網民賞面。」
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
