【點新聞報道】不少移民英國的港青自覺成為犧牲品！有移英港女發文反問「邊個成日話英國好好，好幸福」，指自己當初冇得選擇，只能跟家人移民，惟當地搵工難，即使搵到一份工作，卻一個星期只排得三個鐘，加上未有車牌，哀怨直嘆「英國幸福指數為零」。
該名被困愁城的移英港女，在社交平台發文問「邊個成日話英國好好，好幸福，英國除咗屋大、空氣好，請問仲有啲咩實際嘅好」。對於所謂的自由講法一律拒絕，亦表明因為無錢，無法回流，「唔好同我講自由、因為冇乜用，都唔好同我講，你又唔返香港，因為窮」。
正所謂無比較無傷害，樓主直指相比香港，英國工時少、時薪少，「一個星期返工只係比我一日仲要三個鐘，之後仲要未考到車牌，搵唔到其他工，之前喺香港雖然時薪少，但係時數多，返得開心，過得開心」。
樓主亦提到移民是家人決定，並非其意願，「我去嘅時候只係得16，係跟屋企人，冇得選擇」。而家人選擇的落腳點只是小鎮，所以好難搵工，「我係距離Birmingham大約一個鐘頭車程附近鎮仔，好難搵工」。
樓主大呻自己一直好努力搵工，不過冇車牌，好唔方便，「我喺pizza hit（工作），因為未考到車牌，所以要屋企人車，所以要考到車先可以搵其他工」。
帖文獲不少同路人認同，「英國HR十個有九個半都好反智，由第一輪睇信篩選開始，到面試，再到最後決定，全部都唔跟正常思維」、「公道d講，如果真係同香港比較，各有各好，不過依家英國搵工係難，一個職位都19幾人爭」、「考到車牌就唔同架嘞！如果我冇車牌嘅話，係唔會考慮過嚟英國，因為根本就生活唔到」。
（本文為作者觀點，不代表本媒體立場）
收藏
取消收藏
分享
