【點新聞報道】由凌文龍、楊偲泳（Renci）、陳湛文（Peter）、林子傑、黃德斌主演，郭家禧及李振傑聯合執導的大癲黑色喜劇《UFO離奇命案》，由7月4日起上映，短短兩日半累積100萬票房，於上映第二日更是超越開畫日票房，口碑持續攀升。為感謝觀眾厚愛，本周六（7月11日），電影主演及導演將到各大戲院謝票，適逢世界盃熱潮，眾人更會大派星塵大師開光的世界盃開運卡，祝福一眾影迷百戰百勝。
電影除獲業內人士讚賞外，Threads上亦被海量真實好評洗版，大讚電影「唔玩煽情，唔玩隱喻，唔係鏗鏘集，單純幾個演員嘅互動，已經好笑到仆街！」有網民指：「事件中有事件，故事中有故事。好好笑，驚喜同反轉不斷。」劇本方面更獲一致好評：「點知佢劇本精簡得嚟好完整，好笑得嚟又唔係好膚淺嗰種笑位，同埋冇長篇大論講經環節」。
提到電影於冬日拍攝，一向專業的Peter表示：「幸好當時唔係晚晚都凍，只係有幾晚特別凍，當然為咗保持身體啲肌肉和暖，我哋全部人都着多件打底加暖包，因為都知道拍攝期緊迫唔敢病。」相信在寒冷的天氣下一絲不掛，對於Peter而言必定特別難忘；至於對於其露股演出網上一片好評，網民勁讚瞓身演出，Peter謙虛表示：「去到咁盡嘅原因，一當然係相信導演以及團隊，二係我覺得今時今日啲故事或人物係要去到咁盡先貼近返現實，所以唔係我搏，而真係角色與劇情需要。」
另一邊，電影公司今日發布的影片中，驚現女主角Renci於現場坐輪椅的片段，原來Renci在開拍初期，在森林主景中意外倒地，劇組見狀馬上將Renci送院留醫，被確診為骨裂。由於電影以有限成本拍攝，Renci受傷的翌日原定拍攝重要的群戲場口，而劇本上每一場均需要Renci參與其中。正當導演費煞思量如何調度拍攝，Renci則如期現身片場，令兩位導演大為感動。對於堅持負傷演出，Renci笑言：「因為知道兩位導演CK同Jack喺300萬資金下，每一個拍攝日，以至每一場都係喺嚴密控制成本下實行，加上呢部戲以群戲為主，每一個角色嘅參與度都缺一不可，因此休息一晚，照常去到片場，盡力配合拍攝。」
相關閱讀：
收藏
取消收藏
分享
