【點新聞報道】不少家長成日話移民為了小朋友，但結果卻換來小朋友的埋怨。一名跟隨家人移民英國的18歲港青，抱怨父母不顧其意願，執意選擇移民，搞到他冇晒香港的朋友，又識唔到英國的新朋友，導致出現情緒病，要靠寫日記抒發情緒，不禁感嘆「我係咪要回流先可以有返正常人類社交」。
該名移英六年的港青，在社交平台threads發文表示，自己強烈反對移民，但就被父母忽視，自已無奈承受移民所帶來後果，「其實我咁反對移民係因為 it was never a decision for me to make but I had to carry all its consequences ，然之後日日聽住啲『都係為咗你好』嘅說話，但係完全忽視咗我其實一開始都係反對，嚟咗幾年都融入唔到，以前啲朋友冇晒而家又識唔到新朋友，又搞到情緒病」。
樓主大呻朋友圈一舖清袋，「而家嚟咗英國六年，以前喺香港識嘅frd全部無晒，我已經被取代，然後喺英國同啲local social 淨係識到啲純粹同一個地點遇見而有來往嘅hi bye frd，轉咗環境、靜落嚟，發現一個可以傾訴嘅對象都冇」，樓主惟有靠寫日記抒發情緒，「日日寫diary 防止自己精神病」。
樓主坦言無法融入校園生活，其中語言是一大難關，「以前啲老師迫我每星期去learning support，佢哋以為我唔識small talk，唔識同人溝通所以冇朋友，不過唔關性格事，我同啲大我十幾二十歲嘅香港人都可以好輕易deep talk到講唔停，一轉英文channel 就腦閉塞 完全connect 唔到」。最後，樓主感嘆「我係咪要回流先可以有返正常人類社交」。
收藏
取消收藏
分享
