【點新聞報道】Anson Lo盧瀚霆昨晚（5日）現身亞博，出席後援會為他籌備的「Amour ♡ Love L'Amour de la Fête 生日會」，現場數千名神徒（粉絲暱稱）逼爆場館，氣氛熾熱。Anson Lo全晚與神徒玩遊戲、唱歌、互動，歡笑聲不絕。大合照時，他更特別吩咐經理人花姐要從多角度拍攝，捕捉台下每一張笑臉，務求將與神徒共度的每個珍貴時刻都好好記錄下來。
剛在澳門完成兩場演出，隨即趕返香港出席生日會，加上前一天場館外揮別環節，Anson Lo連續三天與神徒緊密相聚。他受訪時難掩興奮，笑言自己已完全「叉足電」：「呢三日真係見咗好多神徒，無論係Kingdom澳門站、Encore時段，以至完場後出去同大家拜拜，再到今日生日會，呢三日我嘅生命百分百充斥住神徒，完全冇咗工作嘅感覺，反而似同大家一齊去Vacation；我可以拋開所有煩惱，純粹同神徒盡情have fun。」他又感性表示，每位神徒的眼神與微笑，都是送給他的祝福與愛護：「好真實feel到大家喺2026年仲係咁支持我，仲肯繼續留低陪住我，所以呢三日幸福感滿滿。」
生日會高潮之一，是後援會花費半年時間籌備的「快閃跳舞」影片首播。他更自爆曾有一個未完心願：「幾年前我同花姐講過，想搞一個萬人dance challenge，但最後因為工作檔期擱置咗。見到大家咁投入，我真係好感動，希望將來有機會可以實行，到時一齊跳。」
每年生日，Anson Lo總會將祝福回贈神徒，把屬於自己的大日子變成大家的節日。他深情道：「好多謝大家仲咁重視我嘅生日，我一直覺得呢日可以帶到開心俾大家。7月係最凝聚到所有神徒嘅月份，令大家集結一齊為我慶祝、應援。無論面對好與壞，大家都有一個共同目標，就係同我慶生。」他最後感激神徒在出道第8年仍如此大規模為他慶祝：「各式各樣嘅付出，令我覺得自己好重要、好窩心。希望大家都有個愉快嘅晚上，我哋繼續一齊行落去！」
（點新聞特約記者陳惠芳報道）
收藏
取消收藏
分享
