【點新聞報道】幻想總是美麗，現實總是殘酷，各位是時候清醒了！有移民加拿大的港人發文，指自己初初到埗後，都好期待加拿大的新生活，點知經歷完四年之後，終於明白點解有人要回流返香港喇。
該名移加港人在社交平台threads發文分享移民的心路歷程，指自己起初以為加拿大好好，好期待展開新生活，「初初嚟加拿大之前我都覺得加拿大好好，好期待加拿大嘅新生活，有得揸車周圍去，夏天行山冬天滑雪」，當時亦唔明點解會有人選擇回流返香港。
對於有選擇回流的友人訴苦，指在當地搵工難，生活不如意時，樓主就質疑對方唔肯捱，「嚟到加拿大嘅時候咁啱識到個朋友，佢又正準備回流返香港，嗰陣時佢分享話喺度生活得唔開心，啲人對佢唔好，又搵唔到嘢做又成，我都諗，係咪佢唔肯捱咋」。
樓主原本以為肯捱肯做，一定搵到工作，「要搵份工都好多方法，好多網站，求其打份工慢慢捱住先點都得個喎，買架車送外賣做uber 又得。」點知，卻被現實打倒，直言「到經歷完四年之後，我終於明白發生咩事。」
帖文獲不少網民認同，力數加拿大已大不如前，「依家嘅Toronto完全係Overrated，主要原因係70-90年代加拿大整體好過香港，父母親戚傳頌，所以大家仲有好印象，唔知到咁差，實際上除咗人種多樣之外，呢度文化荒蕪空洞疏離，發展不繼，毫無活力，同國際化無關係，同國際大城市相差懸殊。然後近2000年左右，到今時今日，依家香港稅後收入中位數高過加拿大200-300CAD、治安、基建、交通、公共效率、銀行體系、科技智能應用、食物多樣性、全部好過加拿大，特別係公共交通相差起碼30年，香港呢兩三年仲upgrade緊全球最先進系列之一嘅地鐵巴士……加拿大新移民五大榜首，全部係發展中國家」 、「 我喺加拿大住咗34年，睇住佢變，但係講比你哋啲人知，你哋唔信喎＇仲鬧我唔識嘢，係廢老，好啦，而家抵L4」。
另有同路人留言直指加拿大經濟差，「搵工真係好難呀黐線㗎！」、「買架車仲多個你賺雞碎大嘅uber同外賣 」、「我支持回流，真係唔值得留加拿大，洗濕個頭無辦法 」。
收藏
取消收藏
分享
