【點新聞報道】極端熱浪席捲，讓歐洲多國出現破紀錄高溫，英國成為重災區。有移民英國的人妻大呻，晚上熱到喊、瞓唔到覺，於是出盡百寶，將冰種和風扇組裝起來，熬過熱夜。
該名移英人妻日前喺fb分享自家組裝的降溫方法，指家中的房間西斜，冷氣又無買，真係熱到瞓唔到，於是上網搜羅英國的消暑方法，誤打誤撞下，就將冰種和風扇組裝起來，「見到有人話放碗冰水喺風扇前面有用......噚晚小塵生瞓覺真係熱到喊，冰又雪唔切，冰種都照殺啊！又好似幾涼爽喎」。
樓主又提到風扇是由香港專登帶過去，「呢個真心重要，未嚟已經聽聞英國嘅風扇唔涼」、「真，勁好用」。
帖文釣出不少捱熱的同路人，「我都係咁做，食飯ok, 瞓覺真是唔得。見溫度計樓上樓下相差3度，最後落左樓下瞓」、「噚晚有風線吹住瞓都攪唔掂」、「其實真係好睇間屋，太陽照射到有幾多，我自己屋就熱到扒街」。
收藏
取消收藏
分享
