【點新聞報道】好人好事！近日有網民分享在戲院喜獲陌生人送贈戲飛的幸運經歷，指對方因一個人用不上4張門票換領券，便將其中兩張轉贈，樓主原想買飲品小食回禮，但轉頭已不見對方蹤影，故冀發帖「尋人」並向對方致謝。
該名女網民近日在社交平台Threads發文憶述事件，指在排隊買飛時，前面有位C兄突轉頭問：「小姐，你係咪諗住睇戲啊？」，他手持幾換領券繼續講：「你睇唔睇戲啊？我有飛，免費㗎，唔使錢㗎！」。他解釋一個人用不上4張換領券，未幾即贈上兩張換領券，「仲未答佢佢就已經攞咗兩張換領券塞落我隻手度」。樓主趕忙道謝，對方換票後只留下一句「我走先啦，enjoy啊！」
樓主換飛後，原想買些飲品小食向對方表達謝意，「點知一轉頭佢已經消失咗」，惟有發帖致謝並盼對方有緣看見。樓主最後形容「今日真係好幸運，第一次有咁嘅經歷！」。
網民大讚送飛者夠窩心，「好好人呀」、「是電影精靈」，「充分表現了香港人用得唔好嘥嘅精神」、「有心人實在太好了」、「睇開頭仲以為係騙案，呢位師兄好人有好報」、「好有心、本身以為佢想約你睇」。
另有網民分享類似愉快經歷，「我都試過送俾前後的人，送嗰個都好開心㗎，因為無浪費」、「我之前都試過自己去睇戲，有個嬸嬸問我係咪一個人，然後比咗張免費飛我」、「我都試過一個人去睇戲，前面嗰位男士原來都係一個人，佢擰轉頭同我講佢張AE嗰日買一送一，係咪睇同一套戲。跟住我就免費有戲睇」。
收藏
取消收藏
分享
