【點新聞報道】移民這個課題，關乎一個家庭兩代人，部份長者未必會跟隨子女離港，一家要面對分隔兩地生活。近日有一名港男分享做「太空人」的苦況，指太太留在英國，自己因擔心家在年邁多病的父母，便繼續留港搵錢。不過，港男上月被公司裁員，至今仍未搵到工作，直言十分難受，本想儘快離開香港，但又不希望父母臨終時不在他們身邊，感到十分掙扎，想告解一番喎。
該名「太空人」港男在社交平台threads發文指，和太太已移民英國，太太留英，自己則留港照顧家中兩老，耐不耐才到英國一趟，「我本身和老婆移民去英國的，但因父母開始老身體唔好所以我老婆先去英國，而我耐唔耐就去英國探我老婆，當然我地結婚好多年，感情上唔需要擔心」。
不過，好景不常，留港搵錢的港男，上月被公司裁員後，即使接受減薪，至今仍未搵到工作，「我本身份工在六月被裁，份糧出到七月六。基本上我投Jobsdb得一份可以見，如星期五無覆應該唔會請，另都有人脈介紹應該可以的，當然唔多唔少要接受減薪的現實，但唔穿我個底褲價我係接受」。
查實，樓主坦言在香港唔開心，好想儘快離開香港，不過又放不下家中兩老，指父母分別患有痛症及抑鬱症，「我最無助嘅係我父母開始好多痛症，我已經好難受，但每日回家聽到嘅，就係日日講死掛在口邊，及我知我媽有抑鬱症之前睇過醫生」。
樓主從事IT行業（資訊科技業），雖曾打算到英國工作，但因留港照顧父母作罷，「現識it行業，我都有行家曾推介英國有it工refer，點知就因為想陪父母所以好多事已打亂了」、「當然我唔想到見最後一面時我在英國……當然個人上，我在香港係有d煎熬」。
對於有網民建議帶埋父母一起去英國，轉換環境，樓主直言不可能「帶佢哋去英國同帶佢哋送死無分別」，指他的父母現在年紀已好難適應新事物，唔好話英國，就算連智能手機、較電視音量教極都唔識。
收藏
取消收藏
分享
