【點新聞報道】遇到暖心司機，能讓整段旅程更愉快！有女生早前乘坐的士時，發現車廂內竟放了一大袋珍寶珠，供乘客免費拿取外，更備有嘔吐袋及便利雨褸，不禁表示「真心要讚爆呀」。
有的士女乘客在社交平台threads發文分享一次愉快的車程，指早前坐的士時，發現車廂內放了一大袋五顏六色的珍寶珠，供所有乘客免費拿取。樓主直言感到驚訝，遂向司機了解原因，對方表示自兩年前起便一直在車上放珍寶珠，希望讓上車的乘客「都好開心」，更笑言「做人原來開心真係好簡單」。樓主續指，司機更表示希望「自己部車好似飛機咁」，所以車上備有嘔吐袋和便利雨褸。
帖文引來不少網民熱議，「真係一個幾浪漫嘅司機」、「勁有職業操守」、「仲有好好嘅的士司機」、「我都試過搭的士，落車比錢時的司機遞上一支珍寶珠，話請我食糖，係窩心嘅… 苦中一點甜吖嘛」。
不過，亦有同為的士司機的行家留言分享，「我之前都會準備水比啲客，但佢地飲完真係唔會拎走甚至掉喺地下⋯我依家都無擺水比佢哋」、「試過有南亞遊客，問我糖果是不是free，我答係，之後全部一粒不剩拎哂」、「擺糖係幾好，不過怕溶，同埋多手乘客掉垃圾，我就落雨或炎夏派包紙巾俾客袋住」。
（本文為作者觀點，不代表本媒體立場）
收藏
取消收藏
分享
