【點新聞報道】近來有許多遊客都在日本慘遭「撞人族」的襲擊。近日，有港女在京都搭巴士時慘遭一名日本男子多次故意襲擊、踢踹，下車後港女原想影相留證，未料男子卻透過車窗，滿臉得意笑容、挑釁道別，帖文引發網上熱議。
該名港女在社交平台發文，指控在京都乘搭巴士期間，遭一名日本男子多次故意襲擊。事主表示，在京都四條東入口登上207號巴士時，該男子尾隨其後，上車時先踢到她小腿。事主起初以為對方是不小心的，但其後每走兩步即被踢一腳。甚至事主坐下時該男子還想推倒她，「我坐低佢仲想㧬低我」。事主表示，落車後欲拍攝對方留證，可男子卻隔着車窗面露得意笑容，向她揮手說再見，態度挑釁，「我落車影佢相嗰陣仲好得戚咁同我say Bye Bye」。從上傳相片中可見，該名穿着襯衣的日本男子十分年輕，表情挑釁地望着拍攝者。
事主怒斥「日本依家啲男人係咪興周街無故襲擊女人，依家好x嬲」，並詢問網民此事在日本報警會否受理。
帖文一經發出，掀起網民熱烈討論。有不少網民表示在秋葉原、福岡、由布院等地遇襲，受害者包括小童，施襲者多為西裝上班族，並專挑婦孺下手。網民分享類似經歷，表示「早幾年試過喺秋葉原站俾個西裝友踢腳，非繁忙時間，身邊兩米範圍內得佢一條友，即刻追上去以牙還牙，佢食咗一嘢聲都唔敢聲，我係男的」、「我都試過！福岡都遇過幾次，其中一次喺由布院7仔，搵架車仔撞我隻腳。初時以為佢唔小心，後來行過佢批踭披落我心口」、「用日文出post多d等日本人見到，呢d人應該怕社死多d，佢哋專揀老幼婦孺落手，我個仔5歲幾喺東京俾個上班族大叔勁大力撞到飛起」。
還有網民則表示，「我覺得日本已經唔同咗，以前都會扮下嘢，疫情之後扮都唔扮，啲人嘈咗冇禮貌咗，地方又污糟咗」、「其實佢哋係隨機搵人發洩，有d咁啱見你明顯唔係本地人。所以恰得就恰」、「日本要即場開拖，唔好用香港個套報警」、「日本警察應該唔會幫手，呢啲要即場報仇，擺明係慣犯」。
收藏
取消收藏
分享
