【點新聞報道】古天樂出道多年，今年終於迎來人生首個個人演唱會《古天樂 MY FIRST SHOW》，定於8月21日及22日在紅磡體育館舉行，門票將於7月3日經城市售票網公開發售。他解釋個唱命名為《MY FIRST SHOW》而非《首個演唱會》，目的是希望觀眾入場能與他一同玩樂，體驗一場表演，而非傳統演唱會。
古天樂笑言會坐在台下唱歌，與觀眾打成一片，但承認要考慮不少安排，包括安保問題。被問及會否在台下第一排或山頂位唱歌，他說安排上要經過觀眾席，怕會混亂。飛天同觀眾距離遠，他希望跟觀眾近距離接觸。至於會否加入電影級爆破效果，古仔笑說：「咦，你愈問愈誇張，炸咗紅館咁款，即使煙火都要睇現場情況，你知道唔可以太多，適可而止啦。」古仔又自爆一身飛債，因有媽咪和她的朋友，所以交由同事處理。
問到會否encore再encore，挑戰紅館最長紀錄，他笑言：「不如試嚇最短呀？我都係盡力做啦。」至於會否舉行巡迴，他則說：「凡事唔好一步登天，做完今次先講，其他再算。」對於粉絲最期待的跳舞環節，古仔透露正積極排練：「開始緊，而家試緊離地兩米，呀唔係……」他指向天花板笑說：「呢度都兩米啦。最近練歌同反應，其實唔係操肌，而係好多肌肉好耐冇用，要練返肌肉嘅反應。」被問到有幾首歌會跳舞，他回答：「頭先都有人問，《無時空之戀》會唔會同宣萱跳，慢歌嚟跳唔到，我仲要揸住支咪唱歌。」記者不斷追問演唱會細節，古仔笑言他暫時負責練好身體，「如果大家咁想知道，我就拎個rundown出嚟啦。」
（點新聞特約記者陳惠芳報道）
收藏
取消收藏
分享
