【點新聞報道】「大隻型男」李爾晨（Kyle）與無綫上位小花陳星妤近日於健身室拍攝的「公主抱」片段，在社交網掀起熱議。片中陳星妤身穿貼身運動裝，從後步向Kyle並搭肩，男方即以單手輕鬆將她抱起，兩人轉身面對鏡頭時笑容燦爛，甜蜜互動似足熱戀情侶，令網民紛紛猜測二人是否藉機公開戀情。
就傳聞向Kyle求證，他感謝大家關注，但澄清雙方僅為好友：「我哋係大學同學，好多共同朋友，做模特兒時已同公司，係見證大家成長嘅『兄弟』。」他透露拍攝純屬即興：「做做吓gym，星妤問我做唔做到呢個動作，我話梗係做到，就拍咗出嚟，其實仲有兩條片未放！」他亦感謝網民對其身材的讚賞，盼以自律健身習慣鼓勵大眾多運動。
陳星妤同樣笑言不擔心傳緋聞，因彼此相識已久，拍攝時格外輕鬆：「我哋約埋做運動，想挑戰吓就拍咗，過程好順利，佢單手成功抱起，大家都好開心！」片段熱度未減，粉絲已紛紛敲碗期待續集。
（點新聞特約記者陳惠芳報道）
收藏
取消收藏
分享
