【點新聞報道】近日社交平台瘋傳一則帖文，有一名自稱中產人士的男僱主發文，指自家外傭偷飲雪櫃中2包檸檬茶，後男僱主決定報警處理，惟警員以事小難以定罪為由未予受理，帖文掀起網上熱議。
該名男僱主在Threads發文，指近來發現家中外傭在未經其允許下偷飲用雪櫃中2包檸檬茶。男僱主表示，入職前已告知外傭只可飲用水。他強調，「原因唔係因為錢，係為佢（外傭）健康着想」。該名僱主更透露，自己月入四萬屬於中產，「點會差個少少錢」。
男僱主續指，自己「報咗警，差人話兩包檸檬茶好難落案定罪，叫我哋溝通好d同叫我唔好咁小氣」，他表示對警察的回應深感失望「令人失望。為咗防止工人姐姐再偷嘢，我今日要求佢每日點算雪櫃嘅飲品數量，另外裝咗cctv24小時mon住佢。」
此外，男僱主還抱怨道：「而家問題係俾老婆話我小題大做，太高壓」。最終男主詢問網民，「想問下，有無人同我一樣接受唔到工人偷嘢？有無乜嘢提議我可以做？」
帖文引發網上熱議，男僱主處理方式令網民嘩然，紛紛留言揶揄：「你唔為你自己健康着想淨係飲水？」、「你都係唔好請工人，留返啲錢去驗腦啦」、「哇，大佬，我仲以為自己睇錯⋯，兩包檸檬茶您去報警？您叫工人仲點打您工，小家到咁。您走去照顧工人嘅健康，又唔見您照顧吓自己同您老婆嘅健康？係咩居心」、「Sorry，我倆並不是好顧主（僱主），可樂、檸檬茶、薯片、朱古力任食，間中仲帶姐姐食自助餐，完全冇理佢嘅健康，仲每月俾多1~2佰蚊等佢買嘢食，仲壞晒」、「Ching大癲，為咗兩包檸檬茶去報警…同埋你認真認為間中飲包檸檬茶會令人糖尿病？？？」、「好厲害的僱主，希望佢（嘅）工人姐姐快D唔做，先係最健康嘅選擇」、「月入無8萬都唔可以話係中產，基層係幾蚊都計」。
收藏
取消收藏
分享
