【點新聞報道】本地音樂串流平台MOOV迎來20周年，平台特別聯乘商場策動《MOOV 20 Music Station》現場音樂企劃，整個活動自6月起跑，邀得多位人氣歌手輪流登場，而頭炮重磅歌手是曾比特（Mike）。
Mike今日（28日）現身商場,並一早聚集大批等候多時的樂迷，場面墟冚。Mike現身即熱情揮手打招呼，活動儼如一場小型粉絲見面會。席間Mike分享了自己近年音樂風格的轉變，坦言從昔日「撕心裂肺」的爆發式演繹，逐漸走向「懂得收斂」的內斂情感表達。他亦提及他是繼謝霆鋒、呂爵安之後，成為首位憑第一首派台歌便橫掃三台冠軍的歌手，感到非常開心。
當Mike即場獻唱新作《CHANGE》時，細樂迷聽得如癡如醉，但台下同時隨即爆出陣陣「除衫騷肌」的熱情呼聲，Mike聞言即發揮幽默本色，笑言：「物以罕為貴嘛，如果日日都咁樣露，就唔珍貴啦！都係留返俾演唱會啦！」引得全場哄堂大笑。
Mike更透露，早前與經理人Mani飯聚祝賀對方升職時，趁機探聽個唱的口風。他笑言：「第一次返公司，老闆同我講『喂，啟德啦！』；早排再見到老闆，佢又話『喂，紅館啦！』，所以我而家好努力裝備自己，希望下次老闆再講下一個場地時，我就真係可以開到騷。」此外，慶祝MOOV 20周年之際，Mike亦憶起當年自己「剛出世」，全靠央求媽媽買MP3機才踏上聽歌之路，中學時期更因鍾情hard rock與pop rock而組樂隊,踏上音樂之路。
（點新聞特約記者陳惠芳報道）
收藏
取消收藏
分享
