【點新聞報道】古天樂今早（26日）現身運動品牌活動，參與剪綵儀式，一身運動服打扮現身。上午9時，fans已排隊迫爆商場，想見他一面，他又笑言自己今日代言的品牌是波鞋界勞斯萊斯，要fans像他，「唔着都應該買番對，去擺下。」
古天樂即將舉行個人演唱會，他一身運動裝扮現身時，即自爆每日也有練氣做運動，始終演唱會要跳又唱，但由於以前斷過十字韌帶，所以他直言唔敢喪跑，只可以急步行當練氣，記者問他，天氣這麼熱，下去快行會不會有危險？他即搞笑回應，「夜晚出街唔危險？」引嚟全場爆笑！
講到波鞋，古天樂說有意設計自家製科幻風波鞋，更揚言最希望是重金屬款，但又要「輕」，雖然已是星球大戰Figure收藏家，但他承認一樣有儲波鞋，「唔會好多，要睇款，但係有儲啲」。一向帶貨能力高的他，除了波鞋，長年有不少品牌也找他合作，記者笑問：「如果內衣品牌搵你拍廣告，淨係着底褲得唔得？」古生即刻豪氣回話：「咩唔得，我覺得我都可以㗎！哈哈。」
講到他的紅館演唱會，預售一開波，5分鐘即掃清，他說：「真係冇諗過咁癲，咁都開心嘅，所以咪要認真練氣備戰。」又預告演唱會「唱歌為主」，但問到會唔會加場、宣萱係咪為咗睇騷改機票？他即刻耍手擰頭，說全部留返下星期一演唱會記者會先揭盅，吊足大家癮！
此外前排同老友佘詩曼食飯慶生，問他有冇趁機喺麻雀枱上切磋兩手？他說：「剩係食飯，我唔賭錢㗎，麻雀，啤牌我都唔係好玩。」
收藏
取消收藏
分享
