【點新聞報道】近年不少港人選擇移民英國，惟適應當地生活並非人人如意。近日，一名移英港媽在社交平台發文大呻，指自己移英4年來的日常生活竟然可以「基本唔講英文」。直到英國政府計劃提高永居（ILR）申請的英文要求，她才如夢初醒，驚覺自己過去幾年一直在逃避現實，更因擔心無法達標而發文尋求網民安慰。帖文隨即掀起熱議，有網民毫不留情狠批：「真係好廢！」
該名移英港媽在Threads發文，坦言「最近發現一件有啲扎心嘅事：原來我每日生活都可以完全唔講英文」。樓主自我分析日常的生活習慣，「屋企講廣東話、朋友係香港人、WhatsApp係中文、YouTube睇廣東話頻道、Facebook都係香港群組。」她更透露，即使有時去超市購物也是使用自助付款機，「甚至連一句英文都唔使講」。
樓主無奈承認，雖然已在當地生活了4年，但其英語能力「好似停留咗喺嚟英國第一日嗰個水平」。她澄清自己並非完全聽不懂英語，而是卡在心理關口「驚講英文，驚講錯、驚人哋聽唔明、驚個場面尷尬」。樓主指，久而久之令其變得能避則避。
然而，隨着開始認真思考英國永居英文要求提高這件事，樓主才發現自己一直都在逃避，並擔心是否能達到永居的英語要求。樓主詢問網民：「唔知有冇街坊都經歷過呢種情況？定係其實得我一個咁廢？」
帖文一出，隨即引來大批移英港人湧入「圍爐」。不少同路人直言和樓主同病相憐，「完全一樣」、「一樣，已經放棄咗，識答『do you need a bag』同『do you need a receipt』已經夠用」、「完全係我老公，要講都推我出去，其實book個tutor每星期講下有幾難，唔踏出第一步就永遠原地踏步」。
不過，亦有不少網民揶揄：「4年都係咁，坦白講你已經冇乜可能有勇氣跳出舒適圈」、「英文沒有進步，中文也同時退步」、「少啲圍爐，移咗民就投入英國生活」、「恕我直言，你真係好廢，唔識英文點樣社交到？」
收藏
取消收藏
分享
