【點新聞報道】餐廳衞生好重要，將軍澳坑口一間連鎖湖南土菜食店就有店員在出餐位公然偷食，引發網民熱議。
有網民在社交平台threads發文表示，有人影到將軍澳坑口……農耕記湖南土菜啲外勞員工偷食客人餐，好彩我從來都無去」。從其上載的影片可見，一名身穿黑色制服的男店員，正在出菜位低頭處理食物時，以手偷食客人的菜式，然後走開，極不衞生，過程被食肆內的食客拍下。
影片引來網民熱議，「真係好核突，個客要食佢D口水尾，諗到就作嘔」、「偷食都行入去啦」、「用筷子啦」、「老闆你睇到條片你會點做？」、「似太肚餓」、「試菜保證品質，QC黎架，起碼唔係預製菜」、「應該一直係咁偷食，食客先會一路拍住佢，等佢再出手」。
有從事飲食業的網民指「其實『打貓』呢樣嘢響存在咗唔知幾多百年，只不過以前冇手機影唔到俾你睇啫」、「唔係幫邊個，我都做飲食業，忙起上嚟又太肚餓嘅時候真係會就咁用手放落口之後繼續做嘢，不過喺廳面食又真係尷尬咗啲嘅～」。
收藏
取消收藏
分享
