【點新聞報道】由楊偲泳、凌文龍、陳湛文、黃德斌主演的電影《UFO離奇命案》昨晚舉行首映禮。首次執導長片的《大叔的愛》導演郭家禧與李振傑，率領四位主角、三位小童星黃梓曜、何彥罡、王瑋程，以及許晉邦、王俊傑、麥芷誼一同亮相。圈中好友呂爵安（Edan）、梁業（Fatboy）、邱彥筒（Marf）與男友林家熙（Locker）、鍾柔美、劉沛蘅及Lolly Talk成員等亦到場支持。楊偲泳的男友張振朗更特意與周嘉洛、馮素波結伴現身，為女友打氣。
Edan在映後分享時大讚電影驚喜連連：「我拍過唔少電影，但呢套可能係我最鍾意嘅港產片，完全挑剔唔到任何嘢，笑到我傻，尤其係湛文個蘿柚好正！」四位主角受訪時亦分享接拍原因。凌文龍指劇本以揭秘方式推進，引發大量爆笑錯摸。楊偲泳則謂雖然成本不高，但笑料十足。林子傑笑言：「我即刻𦧲飯應，因為第一次喺大銀幕做男主角，仲可以同識咗好多年嘅小龍一齊玩，當然仲有影視前輩楊偲泳帶領。」此話令楊偲泳無奈失笑。
陳湛文在戲中不惜犧牲色相露股，他透露接拍時已知悉，更笑說「片酬已經包埋」。被問到拍攝時有否清場，他笑言當時反被眾人圍觀鼓勵：「天寒地凍，但感受到無比溫暖。」楊偲泳加碼爆料：「好多收咗工嘅人都留低圍喺mon前幫佢打氣，凌文龍仲擔心導演角度唔夠好，要求陳湛文NG再嚟多次。」林子傑則形容現場所見「有彈性又結實，Keep得好好」，楊偲泳更笑言電影可上映至中秋節，加開「露股特別場」應節。
（點新聞特約記者陳惠芳報道）
收藏
取消收藏
分享
