【點新聞報道】嘟嘟嘟…仲衝入車廂？！好危險㗎。有港鐵乘客目擊有兩名大媽，在關上車門最後一刻「衝門」，人是衝入了車廂，但身旁的雨傘卻卡死車門之間，導致列車基於安全問題，竟要在隧道中延誤了10分鐘。
該名港鐵乘客在社交平台threads發文鬧爆兩名大媽的行為，「CLS臨閂門衝入嚟，跟住把遮（雨傘）剔咗喺門口，架車開咗，然後Chok咗幾吓勁大力之後，就停咗喺度10分鐘，多謝晒你哋。」之後該兩名大媽更若無其事地離開車廂，「10分鐘後慢駛去到佐敦，佢哋咩事都冇咁就走咗」。
帖文引起網民熱議，不少人批評大媽自私，「害人害己+刑事毀壞」「加大罰錢機制，唯一辦法！」、「故意擾亂列車班次，每分鐘罰款$10,000！」、「好心唔好衝入車廂啦～三分鐘就有一班啦～三分鐘都等唔到～」、「等下架都係兩三分鐘，畀佢哋搞到變10幾分鐘。」
有網民不滿「港鐵職員又放生」，「破壞列車應該賠錢，就咁放行？口頭警告都好」、「干擾列車罪」、「刑事毀壞喎，報警啦」。
收藏
取消收藏
分享
