【點新聞報道】草蜢「GRASSHOPPER THREE IN LOVE CONCERT 2026」巡唱首站新加坡站，對三人意義非凡，不僅是成軍40周年的重要里程碑，更因於1986年由恩師梅艷芳首次帶他們出埠登台，正是此地。
演唱會上，蔡一智感性發言：「我哋草蜢世界巡迴嘅第一站要揀新加坡，因為呢度對我哋三個好有淵源，第一次跟梅姐出埠就係嚟呢度！」全場隨即歡呼。蔡一傑即興問：「邊個1986年有嚟睇梅艷芳演唱會？」當見到台下粉絲舉手，三人激動不已。阿智續說：「沒有梅艷芳就沒有草蜢，我哋想將呢個舞台獻俾師傅，多謝佢當年帶我哋嚟新加坡認識大家，搵返我哋嘅初心！」
向來內斂的新加坡觀眾，這夜卻熱情爆燈。完場後樂隊退場、燈光全亮，粉絲依然不肯離去，不停大叫encore。草蜢只好戴上耳機再度上台，阿智笑說：「你哋仲唔走？啲歌真係唱曬啦！」傑仔補充：「Band都走曬喎！」最後他們獻唱《暫停·開始過》，揮手道別。阿智受訪時坦言：「好少開曬大燈都唔走，呢啲『真encore』，盛情難卻，其實我哋都唔捨得走！歡呼聲好似喺球場睇世界盃咁勁！」演唱會除保留傳統人浪，更增設「傳波波」遊戲，全場投入。而傑少排練後宵夜，巧遇一位廿四孝媽咪，她即時通知兩個囝囝飛車趕到大排檔，原來他們撲飛失敗，幸好在場外偶遇，獲草蜢在T恤上簽名留念，開心不已。
阿智直言對新加坡有情意結：「20歲仔人生第一次搭飛機就係嚟呢度，所以私心要揀返呢度做巡唱第一站。」
（點新聞特約記者陳惠芳報道）
收藏
取消收藏
分享
