【點新聞報道】古巨基（古Sir）早前應邀出席「Talks at Google」，繼謝霆鋒後成為第二位登上該講壇的香港藝人。席間暢談入行三十五年的心路歷程，亦分享對人工智能衝擊音樂產業的見解，還不時流露「湊仔公」的溫馨一面。
古Sir透露兒時偶像是張國榮，視對方為藝術家而非單純歌手。小時候沒想過做歌手，反而立志開畫展，但同樣熱愛唱歌。「我細個冇筆盒，得個筆筒，我就攞住當咪，一邊聽張國榮、譚詠麟、梅艷芳嘅歌，一邊跟住唱。」後來參加電視台訓練班，由「同學甲乙丙」做到「死屍」，輾轉當上主持，才被唱片公司發掘。
古Sir更分享其音樂理念，坦言鍾情「概念大碟」、每張專輯都有完整主題。「以前會諗，點解呢十首歌擺埋一齊？大家又會唔記得邊首歌屬邊隻碟，所以一定要俾個原因佢哋，要條『橋』行先。」他以《Human我生》為例，專輯由《我生》講BB出世，到尾曲講離世，記錄人的一生，必須順序聆聽，笑言「唔可以聽聽吓第一首跳去第十首死咗」，引來全場爆笑。
談及串流平台興起，古Sir認為聽歌模式雖變，但概念碟仍有價值，自己正籌備與新生代創作歌手合作的新項目。說到AI，古Sir直言「唔會取代歌手」：「科技冇得驚，驚佢都係會嚟。但我強調，唱歌同做音樂，有血有肉就係有血有肉，係人嘅創作就係人嘅創作，呢樣替代唔到，你會Feel到有冇溫度。」
被問到如何面對低潮，他分享座右銘：「唔試唔知時運高」、「試吓啦，唔使打一身嘅」，鼓勵大家堅持所愛。講座尾聲，當被問及職業生涯最「我得咗喇」的時刻，他冧爆答道：「我個仔出世嗰時！」更解釋為陪伴兒子成長，暫不考慮大型巡唱。「呢啲時光好寶貴，錯失咗就冇。」至於Happy Place，他深情地說：「有屋企人嘅地方，就係最靚嘅地方。」
（點新聞特約記者陳惠芳報道）
收藏
取消收藏
分享
