【點新聞報道】英國港人移民圈，關係七國咁亂！話說有一家三口移英買樓，落地未夠一年，老公就發現老婆出軌，惟在生活成本壓力下，唔容許佢哋分租，結果佢哋被迫繼續一齊住，最終都係離婚收場。之不過，最爆係兩個人最後又走番埋一齊。不少食花生的網民揶揄「戴2次綠帽twice 」、「唔再係妻子，視對方係散餐」、「離婚避稅？」。
有一名在英國做物業買賣的移英港人，在社交平台threads分享在當地接觸過的移英個案，提到其中有一位男客人，移民英國後發現老婆出軌，形容為「可能係我聽過最慘但又最...唔識講嘅移民故事...」。
樓主指該位男客人一家三口移英，打算重啟人生，「佢賣咗香港層樓，帶埋老婆同個女，喺Warrington買咗間3房，打算由零開始，重啟人生。」樓主亦與男客人結成好友，「人在英國，朋友唔多，得閒佢就會約我出嚟食個lunch吹下水，不知不覺間我變成咗佢其中一個摯友。」
豈料，好景不常，男客人遭逢家變，「點知落地未夠一年 （兩年前），就發現老婆出軌。最慘嘅係屋係兩個人一齊供，生活成本壓力下，唔容許佢哋分租，結果佢哋被迫繼續一齊住，3個人各自一間房。」當時其實得兩條路揀，一係離婚、一係繼續，結果都是離婚收場。
然而，事件竟峰迴路轉，樓主再與該男客人聚會時，發現驚人後續，「但係上星期再約佢出嚟食飯...佢同我講，佢拍拖了......，但神奇嘅係佢竟然同我講佢女友就係佢前妻」。樓主不禁感嘆「既然居住地都可以搬到英國，人生都可以選擇重啟，咁感情又有乜唔可以呢？」
帖文吸引不少食花生的網民留言，揶揄「立立亂~~立~立~亂~~ 」、「warrington 不意外」、「比同一條女戴2次綠帽twice 」、「究竟我睇嚟睇去都係同一位當事人，定Warrington真係咁多出軌事件」、「畀一個女人兩次機會，不如畀兩個女人一次機會」 、「唔再係妻子，視對方係散餐，Good」、「我睇咗啲咩」。
收藏
取消收藏
分享
