【點新聞報道】藝人張致恒（Steven）與太太區燕雯（雯雯）婚後育有4子，一家六口長期財困，近年他已修心養性，轉做搬運工人，努力搵錢養家。近日他接受內地平台訪問，吐露自己堅持生4個小孩的原因，更難得公開向太太雯雯致謝。
對於當初被迫退出演藝圈，張致恒坦言：「我係好唔開心，人係需要向前行，一直看着後面，永遠都沒辦法向前跑。」他現在生活作息規律，早上6點半出門、下午6點收工，晚上9點就上床睡覺，他坦言再捱夜就跟以往沒分別，會有黑眼圈之餘又沒有好狀態。
對於一路相伴的老婆，他充滿感激，「我都要多謝我老婆，大部分都係由佢控制。」又直言雖然生活辛苦、大壓力，「但係我鍾意做人有呢種壓力，如果唔係我覺得枉過此生。」
他和雯雯婚後育有4子，經濟壓力巨大，外界不解他為何要生這麼多孩子，張致恒解釋自己的觀念比較傳統，「我係一個好傳統嘅中國人思想，屋企一定要熱鬧，屋企多啲人，起碼有啲咩事上嚟多對手。」
張致恒之前在訪問提到湊二仔最辛苦，因為二仔患有過度活躍加自閉症，他憶述二仔出世時每晚一定要孭着才肯入睡，「我係企喺度瞓，有時就坐喺梳化佢就孭住喺心口咁樣瞓，因為佢個肚成日都唔舒服去唔到便便，所以有時要幫佢按摩要屙到為止，佢一瞓低呢就喊，就會瞓唔到覺。」
二兒子目前將近5歲，卻依然不會說話、無法表達自己，情緒更是難以控制。張致恒表示：「5歲還不會說話……現在還更加辛苦，因為他的情緒很難控制得到。尤其只要一不咬着奶嘴就會發脾氣，就會到處摔東西可能會打人。」而且外人不了解狀況，經常對他們投以異樣眼光，「好似今朝早我帶佢返學佢咬住個奶嘴，有個婆婆，同伯伯上巴士，佢望住『Jip』一聲，都唔知點樣做人阿爸嘅，咁大個仲畀奶嘴佢食，咁我個心係嬲嘅，人哋唔明白你小朋友係點樣」，令他相當無奈。
收藏
取消收藏
分享
