【點新聞報道】英國正遭熱浪侵襲，好多地方都無冷氣，有移民英國的港人大呻頂唔順，指自己住頂樓，夏天屋內溫度達到38度，搞到有家歸不得。
由於傳統英國房屋設計以保暖為主，當地逾九成家庭並未安裝冷氣機，面對酷熱天氣，根本無處可逃。該名移英港人在fb專頁「英國香港人生活交流區」發文稱，「住喺二樓頂樓，夏天38度，日頭唔返屋企。冬暖夏熱！」
不少移英網民同病相憐，「我工作室在屋企下面，上次已經去到37度，星期三四如果有39度，相信會上升至42度或以上！」、「我頂樓係廚房，熱到飯都煮唔到」、「住屋仔都唔見涼得去邊，即使日頭冇開窗簾冇開窗都一樣好鬼熱，可能因為全日我屋企都有陽光直接照射到啦，朝早曬客廳下畫曬廚房」、「頂樓特別熱」。
有網民則教路降溫，「唔好俾太陽曬入屋，閂哂D窗，就無咁熱。夜晚外面涼番，就開哂D窗散熱」、「我住1/f apartment，對東南同西北，開哂窗，有風對流都幾涼，唔熱」、「出街或超市行吓啦！」、「日頭唔開窗簾唔開窗架，日落後放風扇喺窗邊向外吹，咁間屋就唔會咁熱」。
有網民勸樓主安裝冷氣機，「夏天日照好長，裝冷氣吧」、「老實實天台裝移動冷氣仲容易」、「開移動冷氣」。
收藏
取消收藏
分享
