【點新聞報道】俗語有指「生在福中不知福」，永遠是擁有時不懂得珍惜，失去後才知道珍貴。有從加拿大回流返港的港人，以過來人身分發文稱，以前在香港時，通常都只是見到這個地方的缺點，但當遠赴他鄉後，再回首才發覺香港的好，「原來以前嗰度都有好多好好玩、仲好有活力添。」樓主慨嘆「人只有真正經歷過失去，先至會清清楚楚睇返自己曾經擁有過啲乜。」
有回流港人在社交平台發文，指與同樣待過加拿的朋友傾談，發現在當地營營役役，卻只能以最低還款額過活，有種撈唔掂嘅感覺，反之回流後，更加接受而家的香港，「前兩日同朋友吹水，話喺加拿大住咗幾年，一直 min pay 真係有種撈唔掂嘅感覺。發現一個幾得意嘅現象，就係好多人經過ab之後？唔係話愛，只係更加接受而家嘅香港。」
樓主反思後，認為當地可能同「失去」有關，指當初不懂珍惜香港，總對移民充滿幻想，惟現實卻充滿骨感，「我哋由細到大擁有嘅環境、朋友、親情，因為平時太理所當然，總會覺得本來就係咁嘅樣，根本唔會特登去珍惜。而家喺加拿大呢個地方住得耐少少，反而仲容易同身邊嘅人一齊抱怨：話呢到制度唔掂、嗰個福利養懶人。」
樓主認為，世界根本沒有一套完美的系統，「以前喺香港當你身處其中嗰陣，你雙眼望到嘅，通常都淨係得佢唧缺點；但到你離開咗、進入另一套全新嘅環境系統之後，你一開始確實會被呢個新環境嘅優點吸引，但日子耐咗，新系統嘅問題亦會慢慢浮晒出嚟。呢個時候你再擰返轉頭睇以前嗰套環境系統，反而會發覺：『咦，原來以前嗰度都有好多好好玩、仲好有活力添。』純粹係當時習以為常，根本睇唔到。」
最後，樓主有感而發地表示，「人其實真係永遠覺得舊愛最美。但呢種懷舊，通常唔係因為舊時嗰個地方真係十全十美，而係因為人只有真正經歷過失去，先至會清清楚楚睇返自己曾經擁有過啲乜。」
收藏
取消收藏
分享
