【點新聞報道】正所謂「人離鄉賤」，要知道人在屋簷下不得不低頭！有移民英國的港人在網上發文大呻，「份工兩年一直處於被搵笨」，話自己被人恰，白人、黑人就冇限休息時間，反之自己孭鑊就有份。但由於英文程度有限，所以只能靠AI去信人事部投訴，仲話以後會放低香港處事嗰套，費事害死自己喎。
該名移英港人在fb專頁「英國香港人工作支援群組」發文分享在當地的工作情況，指自己一直抱着所謂「唔影衰香港人」的態度工作，倒頭來卻一直被搵笨，「我份工兩年一直處於被搵笨，因為得自己一個亞洲人仲要香港人，一心諗住做好唔影衰香港人，結果，我冇停手，白人黑人就冇限break，1hr早餐時間，有鑊就卸比我，因為基本上係我做」。
樓主決定反擊，不過英文唔好，惟有靠AI幫手，「經過email比HR，岩同Hr人開埋meeting，唔係好難，幸好有Ai，英文唔好，唔代表要啞忍。」樓主指，經過今次事件，明白是時候放低香港嗰套，「唔影衰香港人/唔怕做多做少/搏表現呢D包伏/完美展示獨立能力」。
面對職場不公，樓主終於認清事實，話放低香港處事嗰套，「千祈唔好一句：ok！就自己死掂佢」，因為黑、白人係唔會關心，「唔會唔好意思你做咁多/亦唔會內疚嘅，佢哋字典：No shame! 所以至緊要保持警覺，要公平。」
有網民留言直指是香港人搵嚟衰，「最憎啲人成日用唔好影衰香港人做版頭，你自己要XX9攬晒啲嘢嚟做關人蛋治咩！」、「呢度返工冇責任，放工就放工，take it easy，佢哋唔會appreciate 你的付出，唔好傻」、「尊嚴累壞自己，人家只會覺得你傻，不會心存感激」、「做得快又唔會加人工比你，唔好搏表現，都係會比人利用」、「信我，喺英國人對住乜人都好，人無恥便無敵」。
有網民則分享在英職員慘況，「當有事嗰陣時，無論你做得好與唔好佢哋會第一時間搵晒啲香港人嚟孭鑊。對比起響英國嘅其他族裔，香港嘅社群係細同埋分散所以好易畀人蝦」、「好似我之前份工，成間廠百幾人，得4-5個Bno，但係就搏命做多，自己唔應該付責嘅工作。白人亞頭梗係開心，白人亞頭，又想其他白人同事一樣咁幫手，但係白人同事，睬佢都傻。更搞到其他白人同事，鬼咁討厭Bno.另一角睇，係影衰香港人」。
收藏
取消收藏
分享
