【點新聞報道】華語影壇知名導演陳可辛，剛於成都完成新片《明天，會更好》的拍攝。原本排了40組拍攝，最終提前5天，以32組拍攝超高強度完成。殺科後他趕返香港，出席昨日（19日）電影資料館「星級影談」活動，因為放映的是他2005年首部在內地拍攝的歌舞片《如果·愛》。
陳可辛坦言，沒想到自己仍能應付32組高強度拍攝，「我都無諗過我仲chur到32組拍完一部排咗40組嘅戲，感覺好似番返去UFO年代拍《風塵三俠》《金枝玉葉》嘅狀態咁，成個人都好亢奮，趕得切返嚟半日，跟住又飛番去做後期。」活動上他更邀來《如果·愛》編劇林愛華任驚喜嘉賓，老拍檔在台上暢談當年拍攝點滴。
相隔多年重看《如果·愛》，陳可辛感觸良多。他憶指自己2004年首次赴北京拍戲，正值奧運前夕，全城為此做足準備，到處是正在動工的地盤和吊臂。「去到見到啲廢墟覺得好靚，好有質感好好睇，但因為好多嘢都喺嗰陣時開始拆，所以嗰時係一路拆一路拍，我哋就keep住追呢啲景嚟拍。」他說，戲中的北京就是如今繁華的三里屯SOHO區，他慶幸曾親眼見過「老北京」，也感謝電影和菲林記錄了那個時代。
陳可辛又直言不喜歡歌舞片，但這類型讓他能直白表達心聲，「平時對白講唔到嘅，可以用歌詞幫演員唱出嚟」。他常被批評對白太直白，今次終於「攞正牌」，沒人再鬧。
林愛華則大呻創作過程痛苦，稱《如果·愛》劇本寫了超過20稿：「陳可辛不停咁變，今日講黑，聽日變白，寫到後期所有version都寫過，幫佢寫劇本好痛苦。」
提起《如果·愛》女主角周迅，相隔21年再與她合作《明天，會更好》，陳可辛大曝她依然單純天真兼戀愛腦。他透露，原想要一個更狠心功利的角色，但周迅演總帶着深情，「有一場跳上巴士同金城武道別，明明應該頭也不回，咁先至係我心目中嘅蛇蠍美人，點知佢係都要回頭望，仲問點解唔可以咁愛佢」。21年過去，陳可辛以為她經歷多了會變，大歎「點知佢仲係咁單純，我真係服咗佢」。
至於金城武，陳可辛讚他是少有靚仔到男女通殺的男人，「男人見到都覺得，就算女朋友俾佢搶咗都冇話可說」。因不擅長拍20幾歲後生仔的故事，他特意等到金城武過30歲才寫《如果·愛》的角色給他。兩人亦因這部戲成為好友。
（點新聞特約記者陳惠芳報道）
收藏
取消收藏
分享
