【點新聞報道】港人移英圈本是一家人，卻不時傳出狗咬狗骨。有移英港人在網上發文大呻，在職場遭同為港人的同工欺凌，指對方揸住雞毛當令箭，擺出的嘴臉同態度，在香港都未遇過，遂發出忠告「遠離香港人」。
該名移英近3年的港人，在fb專頁「英國香港人工作支援群組」發文呼籲「遠離香港人」，指自己終於在職場上遇上港人欺凌港人，「終於見識到有香港人一齊做嘢嘅威力，完全係黐線，果種揸住雞毛嘅權威用翻嚟欺凌香港人，我福佢個街，兩條中女嘅嘴臉同態度，喺香港都未遇過」。
帖文獲不少移英網民認同，「香港人恰香港人系列」、「真！前幾年喲香港人都好好、近幾年真係見盡香港人醜惡~早已遠離香港人...」、「最好唔好群埋咁多香港人」、「呢邊請人嘅agency 如果撞正香港人，都係咁賤賤格格ga wor，好似咩咁高人一等，又唔係但出錢請人，只係抽佣都好大支嘢，出名果幾間大家明就明」、「我絕對同意，喺英國遇到所有香港人都係PK，尤其是港女國虛偽扮嘢，以為過到嚟英國做嘢好巴閉、喺我哋香港人面前扮晒嘢講晒英文咁，睇見就已經想作嘔」。
不少移英網民慶幸已遠離港人，「所以要搬離香港人是非之地，越多香港人嘅區越煩」、「我最感恩就係讀書冇香港人同學，做part-time無香港人同事，我返教會都係返local church，生活輕鬆好多」、「我唔返工都遠離香港人，Local 問點解，我話，俾香港人水咋幾次，遠離香港人保平安」。
收藏
取消收藏
分享
