【點新聞報道】英國治安惡化，賊仔肆無忌憚！近日一名移民英國的髮型師在社交平台分享被偷單車的經歷，指被一個50幾歲的白人偷了單車，對方更踩着單車在她面前經過。樓主喝停不果，便奮不顧身上前追賊，最終奪回單車。不少網民都為樓主捏一把汗「小心呀，一陣中刀就唔好啦」、「佢無拎刀統你係你好彩，記住條命最緊要」、「呢邊d 生藩無人性」。
該名移英三年的髮型師在社交平台發文分享單車失而復得的經過，指自己一路以來，都是踩單車返工，惟日前竟被人偷走單車，「今日竟然俾人偷咗架單車，之後死死地氣諗住行返屋企」。
豈料，樓主竟與賊人狹路相逢，更大膽追賊，奪回單車，「竟然架單車喺我前邊經過見到個賊，二話不說用我洪亮嘅聲音叫佢停！但佢沒有停嘅意思，不過架單車冇咗鎖匙冇電，所以佢踩得好慢我追到個賊... ...，最後又可以繼續踩單車返工。」樓主坦言過程好驚，「驚佢拎把刀出嚟」。
樓主形容追賊過程「簡直拍戲咁」，憶述當時追到個賊仔，對方是一名50幾歲的白人，並開口問:「Are you alright?」。樓主劈頭一句:「This is my bite,get off」，賊仔本來唔想落車，樓主就繼續鬧爆「講咗好多句get off」，賊仔先慢慢落車，「佢扮傻，好慢咁落車，我就好快插鎖匙，開車走人」。
不少網民留言戥樓主緊張，好彩最後有驚無險，「好彩人車都安全」、「你冇睇過佢地D電鋸咩？3把鎖照鋸，比你撞正一個照鋸一個出刀向住你！」、「你都係用條命攞返架單車返嚟」、「身外物，如果條友好似北愛單嘢咁就恐怖」、「小心呀，一陣中刀就唔好啦」、「睇情況先追！呢邊d 生藩無人性」、「佢無拎刀統你係你好彩，記住條命最緊要」、「下次可能個賊報警拉你，果邊d警察有咩做唔出」。
有網民分享相同的遇竊經歷，「喺伯明翰，我有架單車俾人偷咗，個閉路電視明明影到個賊嘅樣，然後警察話佢哋唔會去捉，因為喺佢哋系統搵唔到嗰個人，咁即係話好大機會係非法移民」。
收藏
取消收藏
分享
