【點新聞報道】由「黃金拍檔」洪永城（Tony）與黃翠如（Priscilla）主持的全新旅遊資訊綜藝《走過歷史大地》，將於明晚（15日）播出。這是二人闊別7年再度合體，今次不再「企定定」講歷史，而是結合AI技術與實地考察，以幽默互窒、無厘頭問答、小學雞包剪揼等創意方式，帶觀眾穿越時空，走進古文明。
首站來到古埃及吉薩高原，為爭奪登上動力滑翔傘高空俯瞰金字塔的機會，Tony與翠如以包剪揼決勝負。勝出的Tony興奮大叫：「我要飛上天上！」起飛後更激動落淚：「原來金字塔係咁靚！真係要親身上去先感受到嗰份震撼。」而落敗的翠如則要在37度高溫下徒步走向金字塔，並不斷自嘲：「天地有正氣，行到我喘晒氣。」還笑問天：「洪永城，上面過得好唔好呀？」
兩人的「互窒」貫穿全場。在金字塔常識問答環節，Tony笑說60噸等於1154個黃翠如，又稱見到230萬塊石頭無密集恐懼症，反而見到咁多個翠如就覺世界冇得救。翠如也反擊，當Tony感嘆死後想葬在將軍澳墳場凝望TVB，她即笑說：「你係辛苦命，點會死呀？」在模擬金字塔建造現場，Tony遇險求救，翠如馬上割席：「係『你』咋，唔係『我哋』！」更將他「賣去搬石」。節目尾聲，Tony總結：「我哋用歷史，瓜分咗我哋嘅恩怨。」
（點新聞特約記者陳惠芳報道）
收藏
取消收藏
分享
