【點新聞報道】前有林超英慳電，後有網民慳水！近日有港女於社交平台發文求教網民，指其朋友月繳水費僅16蚊，好奇是怎麼樣慳錢的？帖文掀起熱議。
該名港女在Threads上傳相片，並驚呼：「咩料？$16水費，點做到，求賜教」。從相片中可見，是樓主與朋友的聊天截圖。相片顯示其朋友5月份的水費單，應繳總額僅為港幣16元，令樓主大呼「黐線」。
帖文掀起網上熱烈討論，不少網民紛紛留言表示：「我每次都係交40蚊水費，屋企沖廁係淡水添」、「沖涼洗衫去運動場」、「5年嚟最多嗰次都係30幾蚊，已經有煮飯煲湯洗衫」、「每四個月，（有）十二個立方是免費，超過先收錢，我唔使交水費十年，主要洗衣機，沖涼先用水，冇煮飯」、「我試過唔使交」、「唔開咁猛嘅水？阿婆教落滴吓滴吓慳水，水錶唔郁」。
有網民對此感到震驚，坦言「我都好佩服點解你哋可以用咁少水，我1個人住都交300幾水費，22號先交完371蚊」、「我們4人家庭每期水費平均$800」、「......我2個人住都200幾」。
對此，有網民分析指出，水費差異純屬個人用水習慣不同，難以直接比較，「有人沖涼過程開盡水喉唔會閂水，沖涼過程有些10至15分鐘，有啲人沖1個小時，大眼機同上掀式洗衣機用水情況唔同，日日煮飯，家居清潔，所以純屬用水習慣不同，難作比較」。
收藏
取消收藏
分享
