【點新聞報道】遊日注意安全！日前有港女於社交平台發文，指其母親上周於日本東京旅遊期間慘遭陌生日男故意用肩膀猛烈撞擊，導致大腿骨折、無法行走，需以輪椅協助登機返港入院，帖文再度掀起網上對日本「撞人族」的熱烈討論。
該名港女於社交平台發文，怒斥「點解依家日本人可以咁癡線」。事主指其母親在東京被一名男子故意撞擊，「有個日本人好大力咁衝埋嚟用膊頭撞跌佢」，導致其母當場被撞倒趴地。事主母親傷勢嚴重無法行走，登機時還需使用輪椅。返港後經檢查發現大腿竟然骨折了，「番（返）到香港入院check咗係大腿內側骨折」。最後，事主提醒市民遊日注意安全、需提高警覺，並留意周遭舉止怪異的人士。
帖文旋即掀起熱議，不少網民指出日本的確存在「撞人族」群體，「日本人撞遊客事件，唔係第一日㗎啦～Anyway，但願婆婆早些（康）復～」、「因為見是外國人，佢哋唔鍾意」、「有一撮東京人用呢種方式發洩自己對社會的不滿，而且專撿老弱婦孺來撞」、「真，呢啲10幾年前已經有，女仔俾人撞係無仇報」、「日本人就係咁pk，唔係第一日嘅事」、「專揀弱小嘅嚟撞，直頭就係無恥兼弱小嘅表現」。
更有大批網民現身說法，指有類似經歷：「我前日都係咁，個女仔仲要着得勁斯文」、「我喺東京都俾OL同office仔撞，諗住下次買d鍋釘首飾，戴喺手臂同膊頭，一撞我就痛到佢x街」、「我都試過喺日本超市被人惡意撞，自問無企喺路中心，無阻住人無掛住玩電話無發出噪音，只係靜靜地企近貨架睇嘢咁都要撞埋嚟，肯定佢係專登撞人因為望到佢之後繼續撞向其他人」、「幾年前我妹喺超市俾個男人撞，明顯特登的，因為條路好濶，我想追上去鬧佢但好快閃咗」、「我都係受害人，早排喺池袋俾個後生女撞，好大力下」。
此前，東京曾發生「撞人族」故意撞倒台灣女童的事件，一度在網上引起熱議。
收藏
取消收藏
分享
