【點新聞報道】近年憑《新聞女王》人氣再創高峰的李施嬅（Selena），今日（9日）以代言人身份出席活動，會上首播全新廣告片，她更公開自己10年前後的對比照，肌膚與狀態幾乎「零變化」。
一直保持最年輕狀態，Selena笑言秘訣在於「預防勝於治療」：「我好鍾意做facial，第一次係13歲，之後年年放暑假返香港都做。16歲去外國讀書，就個個禮拜揸車去做facial。細個嘅志願就係開美容院。我一直覺得要做好準備，因為20歲嘅生活代表30歲嘅狀態，30歲就代表40歲！」
久未在香港公開露面，Selena今日難得亮相，吸引粉絲熱情撐場。她坦言心情有點緊張，活動前一晚才趕回香港。被問到未來工作計劃，Selena說：「我唔鍾意計劃得太長遠，抱住隨緣心態。而家好期待同朱一龍、檀健次、梁家輝合演嘅新片《空槍》，正做緊後期，希望好快上映。」Selena早前破格參與內地真人騷《再見愛人5》：「開頭有諗過係咪要接，成個節目冇劇本，但做咗之後好值得，冇諗過講嘅嘢都爆曬出嚟，因為我覺得要真實，觀眾反應亦好熱烈，對人生經驗好有得着！」
節目中，Selena與前未婚夫車崇健（Anson）的感情關係備受關注。Anson早前出席活動時直言已回復單身，但與曾拍拖8年的舊愛仍有聯絡。Selena回應：「我哋仲係朋友關係，有需要就會聯絡。我希望佢以後幸福、一切安好。」她表示已完全放下這段感情，不再執着：「呢個世界冇嘢係永遠，過咗去就過咗去。我會珍惜每一段感情。而家時間上迎接唔到，完咗呢個活動就要飛。我都冇乜擇偶條件，合拍嘅就喺一齊，如果有人介紹，一切隨緣。」
（點新聞特約記者陳惠芳報道）
收藏
取消收藏
分享
