【點新聞報道】離譜！日前有港女於將軍澳一間連鎖火鍋店吃宵夜時，目擊一家四口惡意浪費大量食物並對餐廳店員態度惡劣，故發文公審。
該名港女於社交平台發文發相，指昨晚（8日）8時20分該對父母帶着兩個年紀不小的孩子進店。樓主表示，該家庭一進店便不停投訴，「又話未開code又話冇熱水，對啲店員個態度已經勁x差」。在點選海鮮後，該父親更因甜品問題對店員亂發脾氣，「一開波佢哋叫完啲海鮮之後係咁問個店員喺邊度嗌甜品，之後鬧到個店員要人手幫佢落24個芒果布甸，冇睇錯係24個，但係佢哋係一家四口」。店員則建議可以分開下單，吃完後再上，「跟住個男人就發晒脾氣鬧店員，話我哋一定食得晒！」其後，他們更中途加點了24碟蜆、蒸包、點心及大量肉類。其間樓主因看不過眼，當場直言：「食得晒先好嗌！」，卻遭該母親嘴硬，反駁道：「話我哋一定食得哂」。
樓主續指，「食到10:30都見到2大盤肉仲喺度，我仲諗緊會唔會嚟個絕地反擊，最後15分鐘食晒」。從上傳的相片中可見，餐桌上最終仍剩餘2大碟和3小碟生肉，而火鍋和餐具碟子裏則塞滿了煮熟卻未吃的肉卷。樓主批評「揼晒落個煲到就算，仲淨返咁x多」。
最後該一家四口緊急撤離，連店員都追趕不上，「最後仲要知道身有屎咁，4個突然一齊起身勁快走咗去，酒樓啲姐姐都追唔切」。樓主坦言，「真係辛苦啲staff，對佢哋態度仲咁好」。
帖文掀起熱議，大批網民紛紛留言怒斥：「支持浪費食物罰款，你話剩少少就話啫，大佬呀任食㗎唔使搏命嗌啦食晒再嗌都唔遲啦」、「啲人真係好無品」、「建議任食餐廳全部食唔晒逐gram收錢然後打包拎走」、「就係呢啲人，搞到啲新式任食打邊爐好似配給咁樣」、「有啲咁嘅老豆老母都真係三生修到」、「完美示範咩叫xx，xxx……酒樓報警報東張啦，浪費食物真係好折墮！」、「真係要睇返cctv!blacklist晒呢幾個人」。
收藏
取消收藏
分享
