【點新聞報道】好多港人都話移民英國係為咗「下一代」以為去咗英國天都光晒，點知卻弄巧成拙。4年前一家三口移英的家長近日發文指，13歲的女兒正面對情緒問題，唔開心唔願返學，仲當正父母仇人咁，構成重大家庭壓力，慨嘆指「面前似乎係一條漫長又崎嶇嘅路」。
該名移英家長在社交平台threads發文指，女兒初到英國讀小學好開心，只是踏入13歲開始青春期的轉變，突然表示唔願返學「唔知點解今年開始佢唔想返學，佢話冇俾人bully, 最初話朋友問題，學習上冇遇到困難。後來話朋友問題解決咗，不過冇motivation, 唔開心所以唔返學。」
樓主指女兒情緒低落，「佢經常low mood，對於好多事都冇興趣，每朝起唔到身返學，長期一個禮拜只返兩三日下晝Art class或興趣班。」平日生活作息混亂，最愛打機同睇短片，每晚匿埋房中與同學打機講電話，「放學會同同學喺街同公園坐一兩個鐘先返，每日最開心都係返到嚟都係用電話打Roblox同睇TikTok，總之夜晚就匿埋喺房同同學一齊打機講電話，或者聽歌，每晚攪到兩三點先瞓，第二朝又起唔到身... ...每日就係不斷重複！」
樓主軟硬兼施嘗試管教，不過好多時進退兩難，好似點做都唔好，「而家就話我哋令佢唔開心，當正我哋仇人咁，基本上唔想同我哋溝通，同我哋講兩句就容易情緒激動，又話我哋令佢唔想返學，叫我哋自己唸下點解。總之我哋點做都錯」。
樓主指現時女兒只會在需要開WiFi、用電腦同出街攞錢時先會主動開口，指「用電腦同WiFi 唔係要問我，不過想定個rule要幾點停。到個咗時我哋要停，佢就話我哋control佢，所以令佢唔開心唔返學」。
樓主亦指，學校方面幫助有限，「學校啲人都唔太幫到佢，而家搵埋GP, 打過111,等緊CAMHS嘅人介入，亦都排緊ADHD assessment, 唯一係有Early Help同學校SEN嘅人跟進吓，嚟緊都唔知點，唯有見步行步。」
收藏
取消收藏
分享
