【點新聞報道】日前網上流傳陳啟泰穿上地鐵制服服務乘客，網友誤以為他轉行任職港鐵。原來他是為地鐵主持遊戲節目，為了解地鐵運作，便化身職員體驗。
陳啟泰日前現身港鐵總部，主持全新遊戲節目《鐵聲之巔：百萬積分爭奪戰》。曾傲棐、嘉盈、Jon Jon夥拍資深鐵路迷組隊較量，考驗對港鐵聲音的觀察力與知識。最終嘉盈勝出，獨得100萬MTR分。
陳啟泰說：「之前病咗一段時間，體重200幾磅，現已減至180磅，最緊要係冇咁腫、冇咁肥。」已「登六」的他笑言盡享樂悠咭福利，不時搭港鐵出入，歡迎街坊合照：「喺港鐵見到我係好平常嘅事，攞咗樂悠咭之後就兩蚊、兩折！不過我搭車唔鍾意做低頭族，反而會留意身邊事物，我真係好無聊咁數過關門『嘟嘟聲』有18下，有機會都想試吓做車長廣播。」
他坦言從沒想過將港鐵聲音變成遊戲節目，又透露自《百萬富翁》後拒絕再上其他遊戲節目：「做咗標誌性嘅主持之後就推晒，但今次獎品好吸引，100萬MTR分可以換車飛同禮券，我都幾想要。」面對後輩YouTuber，他笑言：「我係六十後最Sharp醒嘅主持，佢哋越牙尖嘴利，我轉數就越快。」
（點新聞特約記者陳惠芳報道）
收藏
取消收藏
分享
