【點新聞報道】掟煲唔掟蓋！不少港人情侶當初一齊移民英國，點知應了一句「相見好，同住難」，落得分手收場，不過時勢所迫，惟有焗住繼續同居。有移英港人在網上發文搵人圍爐，問「有冇人係同男/女朋友一齊移民，但未拎到永居就散咗」。
該移英港人在fb專頁「英國香港人工作支援群組」發文搵人圍爐，問「有冇人係同男/女朋友一齊移民，但未拎到永居就散咗」，直指因為經濟條件、英文差，仲要日日朝見口晚見面，「經濟問題，焗住仲住埋一齊，返工又同一個地點。本身自己英文又麻麻，轉工唔喺一時半刻轉到」。
不少網民留言指，港人移民圈分手、離婚、外遇可謂比比皆是，「莫講話情侶啦，大把夫妻有埋仔女過到嚟適應唔到嘅大把」、「好多嚟咗英國先離婚，我知都有5單，70幾歲離婚都有，有D有外遇，各有各外遇又有。搵唔到工，就搵agent幫你攪啦，英文唔好就搵KPI，雖然佢d人比較西，但你係人頭即係佢地嘅錢，一定搵到地方塞你入去，問題係你肯唔肯做啫」。
有網民認為靠自己好過，「所以咩人都要有plan B， 唔好依賴人，因為冇嘢係絕對」、「轉換心態，只係roommate，時間好快解決好多問題」、「搵份倉工順手晌入面識返個新嘅同居密友，你有BNO六年就入籍嘅身份，對嗰班要等十年才入籍嘅同事嚟講你好有市場」、「返香港就可以解決啦，如果貪心又無能力嘅就唯有忍。」
收藏
取消收藏
分享
