【點新聞報道】近日一名住在村屋的港女發文，分享其住所內驚見一條俗稱「飯鏟頭」的眼鏡蛇，原來竟是從冷氣機下方的排風位爬入屋內，帖文掀起熱議。
該名港女在社交平台上傳相片，驚呼：「住村屋嘅日常，以前屋企發現蜈蚣已經係碎料，CLS今次係飯鏟頭，嚇死寶寶。」樓主表示，「屋外喺村入面間中都試過見到，不過冷氣口（冷氣機下面出風位）入屋都係第一次」，最後樓主是通過報警解決捉蛇問題，「報警，警察會搵蛇王捉（蛇）」。從上傳相片中可見，該房間內有一個冷氣機，有人戴着膠手套雙手捉住該條體型不小的黑色「飯鏟頭」。
帖文引發網民熱議，不少住在村屋的網民表示均有類似體驗，「自從搬咗入村屋，先知屋企原來係生態系統」、「試過地下嗰層廁所馬桶，一開蓋有蛇，嚇到即刻閂蓋狂沖水」、「有日起身，見到佢喺我花園度行嚟行去」、「之前住地下村屋都試過。望住『S』字衝過來，好在關得切門」、「omg原來飯鏟頭真係生到成個飯鏟咁，我住村屋差唔多三十年先見過十次蛇。有一半係青竹蛇」。
有網民則調侃，「34度啊入嚟吹下冷氣都唔過分啫」、「拎去浸酒」。
還有網民解釋道，「村屋有蛇真係好閒，無你仲要憂心，啲老鼠會多到一個點。有蛇啲老鼠先識收斂下。有啲區域仲會有野豬喺垃圾站附近搵食，見到即刻原包垃圾拎返屋企，一齊匿埋」。
收藏
取消收藏
分享
