【點新聞報道】周國賢（Endy）日前宣布將於7月16至18日，在新蒲崗Portal舉行一連三場全企位「周國賢 Disconnect to… Reconnect Unplugged Live」音樂會，門票昨日（5日）中午開賣，半小時內即火速售罄。由於反應熱烈，主辦方今日（6日）正式宣布加開一場，讓更多樂迷有機會入場。
Endy表示，很感謝公司幫他籌辦這次音樂會，笑言：「我一開始只想做個新歌發布會，點知佢哋幫我搞大佢，變成一個小型音樂會，好開心。」提到已一年半沒開個人騷，門票半小時被掃清，他直言感恩：「大家仲願意真金白銀嚟支持我，真係好感動。」
至於音樂會主題，Endy大賣關子，透露：「我以前做過Band show、華麗式嘅show，仲有作品展，今次想特別啲，希望觀眾入場有種睇咗套戲嘅感覺，帶少少劇場感。新歌當然會唱，亦會將一啲經典歌重新編曲，帶俾大家新鮮感。」
Endy特別提及台上樂手都是他的音樂團隊老拍檔，更開玩笑說：「我知道我有啲fans都好鍾意睇佢哋㗎，哈哈。」似笑稱樂迷入場是為了支持音樂團隊，而非只看他本人。
（點新聞特約記者陳惠芳報道）
收藏
取消收藏
分享
