【點新聞報道】由周家怡、海兒（Hedy）及李靖筠（Gladys）主持的汽車節目《恨駕女團》，今集請來黃宗澤（Bosco）擔任嘉賓。這不僅是他首次參與駕車節目，更破天荒借出私人珍藏、於1968年出廠的Ford Mustang Fastback，堪稱獨家曝光。
Bosco透露，這輛車是他兒時的夢想座駕：「細個睇戲嗰陣，連型號都唔識分，只係覺得呢架車好靚，成日喺電影出現。入行之後越嚟越留意，最後忍唔住買咗返嚟。」他指車是約七年前從澳洲購入，當時約六、七十萬，原本是黃色，但因油漆質素一般，索性全車拆散重新打造，完成後已沒有再計算總開銷。目前他共有九架車。Hedy聞言即笑說：「我都想忍唔住買架Stingray。」Bosco馬上接話：「我下個禮拜去買。海兒老師你係咪鍾意嗰架？」Hedy補充：「記住係1963年。」Bosco爽快回應：「知道！我即刻去搵。64年、68年嘅我唔買，就要63年。」令全場笑聲不斷。
三人其後駕着古董車遊車河，大談感情與擇偶條件。Bosco直言，若要在「靚、好脾氣、有能力」的「不可能鐵三角」中選兩樣，他會揀好脾氣和能力：「靚唔靚好主觀，我覺得順眼就得。相處落，能力同脾氣緊要過靚女，我唔鍾意人太嗲，鍾意爽快啲。」被問到為何至今未婚，他坦言與單親家庭成長有關：「我出世冇耐父母就離婚，細個完全冇家庭畫面，對『完整』嘅理解同人唔同，反而覺得而家已經好完整。」他更擔心自己不懂教養下一代：「如果我生咗細路，我點樣教佢？」
講到「偶包」，Hedy指周家怡是全無偶包的主持，Bosco也說自己沒有，即被家怡笑言：「你本身靚仔，唔驚吖嘛。」Bosco隨即大爆好友林峯：「你睇吓林峯！個偶包成噸重，成個貨櫃咁大。我同佢咁friend唔怕講，我同吳卓羲做gym着背心短褲加legging，髮夾夾住頭髮就去，阿峯唔係，着晒套裝、帽同運動套裝嚟，你睇佢幾重偶包！」場面搞笑。
（點新聞特約記者陳惠芳報道）
收藏
取消收藏
分享
