【點新聞報道】日前有食客在社交平台發文抱怨，稱進食了一碗價值60元的餐食，發現其中有一粒餃子肉餡仍呈嫩粉色、明顯未熟。向樓面阿姐反映後，反被指責「搞事唔識食」，隨後樓面阿姐見食客影相，更直接收走餐食，帖文引發網民熱議。
該食客於社交平台上傳相片，相片顯示餃子內部肉餡基本未熟，仍呈現生肉、嫩粉的狀態。從相片中可見，碗裏僅剩一些湯和一個被咬開的餃子。食客無奈表示：「請問咁多位CHING熟未...」，食客表示向樓面阿姐反映後，對方稱「係啱啱好」，並以惡劣態度指責食客「搞事唔識食」。食客感嘆：「60蚊食碗咁嘅嘢，真心有x病，見我影緊相仲要秒收我碗嘢」，食客又透露：「仲要俾人x先慘，我認我廢柴唔夠膽出聲。」
帖文引發熱議，不少網民建議事主報食環，「邊間，幫佢出名，報食環」、「一句，咁我call食環」、「最憎呢啲餐廳，衰咗就認啦，仲鬧返客轉頭，報食環唔好放過佢」、「如果覺得真係有問題，建議影相拍片即刻報，食環署唔好俾佢收走」。
有網民則擔心事主健康問題，表示「有冇吞到少少？食生豬肉唔係講玩，中咗寄生蟲就係咁先，認真，建議搵醫院檢查下」。
此外，亦有網民嘲諷，「刺身？啲肉透明㗎喎」、「有心跳喎」、「叫阿姐食下」、「豬肉餃，係無得粉紅肉㗎」。
收藏
取消收藏
分享
