【點新聞報道】一年一度的端午節快到了，各地紛紛舉辦龍舟競賽。胡鴻鈞（Hubert）獲番禺委任為「龍舟文化宣傳大使」，更親自落場扒龍舟，獲同船姐姐大讚「幾有力」。
Hubert昨日到番禺參觀當地龍舟隊練習，與麥玲玲一同接受「龍舟文化宣傳大使」榮譽，並透過交流深入了解扒龍舟這項中國傳統文化及相關技巧。他更獲邀上船試扒，只見Hubert動作有板有眼，很快便與同船姐姐建立默契。
事後Hubert表示，初次扒龍舟感覺非常新鮮，過去雖看過不少龍舟比賽，但真正落手扒還是第一次。他為此做足準備：「睇我呢身裝束就係特登為扒龍舟而買，之前仲上網參考人哋嘅打扮。本來有簡單嘅背心短褲，但我比較怕曬，基本上今日呢套係潛水用嘅水上活動裝備，似乎有少少誇張，但叫做尊重場合啦！」
談到扒龍舟後的感受，他笑言自己有點天分：「同船姐姐都有讚我，『咦，幾有力喎』，仲跟到佢哋嘅節奏。」他認為扒龍舟最吸引之處，是大家一起聽着鼓聲、跟隨指揮，同心合力完成一件事，這種默契與團結十分難得。
作為龍舟文化宣傳大使，他分享如何推廣這項傳統：「龍舟係中國傳統文化，好值得宣揚。我會鼓勵年輕人，尤其係鍾意水上活動嘅朋友試嚇扒龍舟，因為呢項運動講求團隊精神，唔係個人表現。喺培養默契、隊員配合，以至學習做一個好領袖帶領隊員跟隨鼓聲前進，都唔係容易嘅事。」
（點新聞特約記者陳惠芳報道）
收藏
取消收藏
分享
