【點新聞報道】香港嘻哈組合農夫（FAMA）將於7月18日在澳門威尼斯人綜藝館舉行「農夫全香港最好笑嘅演唱會」，票價「勁加8蚊」早已引來全城笑談。然而，演唱會未開，竟然先引來「騙徒」出手。有人自稱陳淑蘭助理，對主辦單位表示：「我係蘭子陳淑蘭小姐助手，想問嚇你如果蘭子過嚟澳門睇農夫演唱會，會唔會有兩張門票留到俾我哋呢？」主辦單位為免怠慢起見，直接向蘭子本人查證——結果發現蘭子根本沒有這位助手，完全不知情，亦從未叫任何人去搵飛。
蘭子更親自回覆指：「好嬲好嬲非常嬲！主辦單位嚟問我，仲同我講佢仲要唔係第一次用我個名騙人！話舊年已經用我個名去訂其他歌手演唱會飛！當時大家不虞有詐」，她說，但今次因為是在澳門看演唱會，大會覺得有奇怪，於是找人向我確認，「佢就穿煲啦」。
談及對組合農夫的印象，陳淑蘭說：「農夫我都好鍾意！」但她亦強調，自己會買飛去看演唱會，而不是麻煩別人。
組合農夫得知事件後笑言：「咁都有？我哋嘅騷好睇到要出動『騙徒』嚟呃飛？主辦同我哋講，成日都有好多白撞嘅，試過用陳寶珠、梁家輝、郭可盈等等名字嚟攞飛買飛，不過唔緊要，我哋建議大家唔好搵人扮助理，直接6月5日中午12點上金光票務買，保證真飛，仲可以加8蚊感受我哋嘅『大幅加價』誠意。」農夫再補多句：「如果有人話係我哋助理，你叫佢背一次《舉高隻手》嘅歌詞再即刻報警啦。」
主辦單位負責人表示，農夫澳門站門票僅以下列兩個途徑公開發售，絕無任何「藝人親友飛」經第三方兜售：
優先發售（已結束）：6月3日Klook獨家套票
公開發售：6月5日（周五）中午12時金光票務
演唱會詳情：
日期：2026年7月18日（星期六）
時間：晚上8時
地點：澳門威尼斯人綜藝館
票價：HKD788/HKD588/HKD388
收藏
取消收藏
分享
